Policia e Kosovës konfiskon mbi 8 kilogramë substancë të dyshuar narkotike dhe arreston personin e dyshuar për ‘blerje, posedim, shpërndarje dhe shitje të paautorizuar të narkotikëve, substancave psikotrope ose analoge’

 Njësiti policor i Drejtorisë për Hetimin e Trafikimit me Narkotikë

(DHTN)-Pejë, pas një pune operativo-hetimore disa ditore, ka arritur të sigurojë

informacione të sigurta se një i dyshuar posedon substanca të dyshuara narkotike të

llojit marihuanë.

Policia pasi siguron këto informacione, kontakton dhe njofton Prokurorinë

dhe Gjykatën kompetente nga të cilët siguron urdhër-kontrollin në shtëpinë dhe

pronën e të dyshuarit.

Njësia e DHTN-së në Pejë, në asistencë të njësive tjera policore (Njësisë së

Reagimit të Shpejtë dhe Njësisë së Krim-Teknikës), më 27 janar 2017, ka kontrolluar

një shtëpi në Pejë. Gjatë kontrollit ku ka gjetur dhe konfiskuar në cilësi të provës

materiale: 18 paketime të substancës së dyshuar narkotike të llojit marihuanë, me

peshë: 8 kg e 319.6 gr.

Me urdhër të prokurorit, i dyshuari Z. K., lindur më 1967, mashkull, shtetas i

Kosovës, dërgohet në ndalim policor për 48 orë.

Po ashtu Policia sekuestron si provë materiale: substancën narkotike (8 kg e

319.6 gr.), një peshore digjitale, një brisk, lidhëse plastike, foli najloni të tejdukshëm

për paketim, qese plastmasi, formati 300×400 për paketim dhe një telefon.