Deputeti Ardian Kastrati ka folur për zhvillimet e sotme në Komisionin për Integrime Evropiane dhe përplasjet me deputetët e VV-së.Gjatë përplasjeve ai u dëgjua duke thënë “Pini naj paracetamol ose çka pini ju të Vetëvendosjes” dhe “Sillni një paracetamoll” ndaj një deputeti të VV’së.Kastrati shpjegoi në tërësi përplasjen dhe gjithçka që ndodhi para përplasjes.
“Shiko, njerëzit janë të lirë të interpretojnë cka të dojnë. Po unë tentova të hy në esencë dhe natyrë të komisionit ku ishim sot. Kërkova me insistim se si do të bëhet ky dialog. Ata do ta bëjnë vet pasi ne nuk i kemi numrat. I kanë dashur 50% dhe tash duhet t’i bëjnë të gjitha vetë. Dialogu nuk shihet si njohje e ndërsjellë, pasi është edhe interes rajonal. Është interes i SHBA-së. Biden ka dërguar letra pasi të gjithë do duan paqe. Pastaj dikush atje provuan me këtë gjuhën toksike që është prodhim i Kurtit një njeri që nuk e njoha se kanë sjellë gjithëfarë deputetësh. Dialogu dhe rëndësia e tij qëndron, pastaj ai djaloshi vazhdoi të fliste dhe i thashë dikujt që t’i binte paracetamoll”, tha ai në T7.Kastrati tha se nuk e njohi me emër deputetin e VV-së dhe tha se ka mundësi që shumë deputetë nuk do t’i njoh me emër deri në fund të mandatit.“Po të siguroj se kam me përfunduar mandatin dhe nuk mund t’i mbaj mend të gjithë emrat. Janë shumë 120 deputetë a më kupton”, përfundoi ai.
