Botapress, 12 Qershor – Analisti politik, Xhevdet Pozhari, i ka reaguar opinionistes Kimete Berisha, pasi kjo e fundit përmes një shkrimi të publikuar në Facebook, tha se, kryeministrit të Kosovës, Albin Kurti, ia kanë marrë inat edhe fëmijët.
Pozhari thotë se imagjinata e Kimete Berishës shkon edhe deri tek intervistimi i fëmijëve.
Ai mes tjerash i ka bërë thirrje Berishës që të mos zbras mllef, duke i përdorë ata (fëmijët) që nuk duhet të përdoren si mjet për qëllime të ulëta.
“Mos bëj shkrime palidhje që ta promovosh materializimin i cili edhe ashtu kurrë nuk ka qenë më i theksuar në shoqërinë shqiptare sesa tani. Mos e zbraz mllefin t’u i përdorë ata që nuk duhet të përdoren si mjet për qëllime të ulëta. Mos e merr veten mësysh”, ka shkruar Pozhari.
Ja shkrimi i tij:
Ehhh, imagjinata e Kimetes shkon deri tek intervistimi i fëmijëve: A ndjehesh i mashtruar prej Albinit? – Po, sepse nuk mi ka dhanë 10 euro!Kimete, nëse një ditë bëhesh nënë do ta kuptosh se fëmijëve as 100 euro në ditë nuk iu dalin. Në fund kanë me thënë, e pse jo 200! Me rëndësi është me iu ofru dashni. Me i mësu mu knaqë me aq sa kanë.
Mos bëj shkrime palidhje që ta promovosh materializimin i cili edhe ashtu kurrë nuk ka qenë më i theksuar në shoqërinë shqiptare sesa tani.
Mos e zbraz mllefin t’u i përdorë ata që nuk duhet të përdoren si mjet për qëllime të ulëta.
Mos e merr veten mësysh!
Më pare Kimete Berisha kishte kritikuar Albin Kurtin duke thënë se Albin Kurti është kryeministri i parë që ia kanë marrë inati fëmijët.Ajo ka thënë që pushteti i Albin Kurtit varet nga diaspora, nga të rinjtë që janë të pa punë, e që sipas saj tani vetëm janë duke e shikuar Kurtin dhe ministrat që po punësojnë mbesat dhe nipat.
“Albin Kurti është i pari kryeministër që kanë filluar t’ia marrin inat edhe fëmijët. Sepse fëmijët ndjehen të mashtruar. Ju ka premtuar rroga mujore prej 10-të euro në muaj dhe ende nuk ua ka dhënë asnjë centë! Fëmijët (prej klasës së parë deri në moshën 16-të vjeçare) dëshirojnë ta shohin shpejt fundin e Albin Kurtit”, ka shkruar ajo.
Kimete Berisha-Kurtit: I mashtrove fëmijët, t’a kanë marrë inati edhe ata
