Pas fitores unanime të boksierit të peshave të rënda Agit Kabayel kundër amerikanit Kevin Johnson, grushtat dhe karriget fluturuan në mjedisin e Magdeburgut, ku u zhvillua mbrëmja gala e boksit.
“Ata që nuk dinë të sillen duhet të qëndrojnë në shtëpi. Kur sheh diçka të tillë, sigurisht që je shumë i trishtuar”,- tha boksieri gjerman Kabayel, i cili është i pamposhtur në 21 ndeshje profesioniste, në MDR: “Diçka e tillë e shkatërron boksin. Ata që nuk mund të sillen ndryshe duhet të qëndrojnë në shtëpi. Ata e shkatërruan gëzimin dhe fitoren time.”
Boksieri 28-vjeçar, i cili u përpoq më kot të qetësonte me mikrofon në dorë huliganët jashtë ringut, mori një telefonatë nga nëna e tij e shqetësuar, e cila shikonte pamjet e dhunshme të incidentit: “Mami është gjithmonë e shqetësuar,”- u shpreh ai.
Për luftën në skenën e Magdeburgut, autoritetet kishin lejuar deri në 1000 shikues, që u testuan negativisht nga Covid-19.
“Ne kishim 1000 spektatorë, 980 prej të cilëve ishin mysafirë të shkëlqyeshëm. Por për shkak të 20 idiotëve, tani kemi këtë ngjarje. Eshtë thjesht trishtuese,”– kanë deklaruar organizatorët e këtij eventi.
https://twitter.com/FreieSatireD/status/1401474347483676679?ref_src=twsrc%5Etfw%7Ctwcamp%5Etweetembed%7Ctwterm%5E1401474347483676679%7Ctwgr%5E%7Ctwcon%5Es1_&ref_url=https%3A%2F%2Fwww.botasot.info%2Fboks-sporti%2F1601180%2Fperleshje-masive-kercasin-karriget%2F%3Ffbclid%3DIwAR25o0BDjO3IIfNbb9QXentZN2kLdG9Ir3ZiUzNdh6zwFi1pr7y35l7SYSM