Kandidati i Lidhjes Demokratike të Kosovës për kryetar të Prishtinës, Përparim Rama, pas debatit me kundërkandidatin e tij nga Lëvizja Vetëvendosje, Arben Vitia, ka reaguar me një status në Facebook, raporton Botapress.info
Rama ka shkruar se ishte një natë e veçantë për të, pasi pati rastin ta shpaloste angazhimin e tij, në debatin përballë kundërkandidatit të tij.
“Sonte ishte një mbrëmje e veçantë për mua, meqë pata rastin ta shpalos punën time shumëvjeçare dhe angazhimin tim pa kushte, në debat përballë kundërkandidatit për ta udhëhequr Kryeqytetin”, ka shkruar Rama.
Rama ka falënderuar qytetarët që e kanë ndjekur debatin, por në veçanti e ka falënderuar Arben Vitinë që e pati përballë.
“Duke iu falënderuar njerëzve të qytetit tim që na përcollën, atyre pafund që po ma shprehin dashamirësinë me mesazhe sonte, e në veçanti Arbenit që e pata përballë, uroj që qytetarët ta bëjnë zgjedhjen më të mirë për Prishtinën tonë”, ka shkruar Rama.
Ndryshe, Rama dhe Vitia janë përballur mbrëmë në Klan Kosova, në debatin për Prishtinën.
Ata garojnë përballë njëri-tjetrit në raundin e dytë të zgjedhjeve lokale, që do të mbahet të dielën, më 14 nëntor./Botapress/