Kur bëhet fjalë për disiplinën malore në automobilizëm, gara që mbahet në Kotor, të Malit të Zi, është ndër më prestigjiozet në rajon.
Pikërisht në këtë fundjavë u mbajt gara e këtij viti, e cila poentohet për Kampionatin e FIA CEZ, Kampionatin e Malit të Zi, Kampionatin e Kroacisë dhe Kupën e Kotorit.
Në mesin e 77 pjesëmarrësve ishin edhe katër garues nga Kosova, të cilët patën rezultate relativisht të mira.
Valon Jaha i Prishtina Racin Team pati kohën prej 05:29.954 minuta, Alban Berisha i SHAM Prizreni (05:57.791), ndërsa Ismail Smani, po ashtu i SHAM Prizreni pati kohë prej 06.20.249 minuta.
Për fat të keq, Gazmend Demolli, nga i cili pritej më së shumti, ka pasur probleme teknike me veturën e tij dhe nuk ka arritur të përfundojë garën.
Gjithsesi, duke marrë parasysh prestigjin që ka gara në Kotor dhe konkurrencën e madhe, mund të vlerësohet se paraqitja e garuesve tanë ishte e mirë.
Adresa: Muharrem Fejza pn.
Email: [email protected]
Marketing: [email protected]
Tel: +383 38 742 282
Ky portal mirëmbahet nga Botapress.info. Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi.
Partnerët: