“Ne jemi krenarë për arritjet tona të përbashkëta”.
Në këtë mënyrë presidentja e Kosovës, Vjosa Osmani, e ka uruar SHBA-në në datën e përvjetorit të pavarësisë.
“Sot populli i Kosovës i bashkohet me gjithë zemër presidentit Joe Biden dhe të gjithë miqve tanë amerikanë në festimin e 4 korrikut”, ka shkruar Osmani në Twitter.
Më tutje ajo ka thënë se Kosova dhe SHBA-ja ndajnë vlera të përbashkëta.
“Ne jemi krenarë për arritjet tona të përbashkëta dhe për promovimin dhe mbrojtjen e vlerave tona të përbashkëta. Së bashku, ne do të vazhdojmë të shkojmë nga forca në forcë”, ka shkruar Osmani.
