Debati i së hënës në Pressing të T7 mes publicistit Shkëlzen Gashi dhe ish-kryediplomatit të Kosovës, Skender Hyseni është bërë ‘hit’ në internet.
Pjesë nga ky debat po qarkullojnë tash e dy ditë nëpër llogari të ndryshme në rrjetet sociale.
Në to, vëmendjen më të madhe e ka marrë shqiptimi i akronimit të Organizatës për Siguri dhe Bashkëpunim në Evropë nga ish-ministri Hyseni. Ai thotë “OEZBE’ja” kur flet për OSBE-në.
Hyseni e shqipton këtë akronim ashtu sikur shefi i tij dikur, presidenti i parë i Kosovës, Ibrahim Rugova.
