Këtë herë larg politikës. Do iu tregojmë gjëra interesante që nuk i keni ditur për kryetarët e komunave të Kosovës.
Indeksonline ka kontaktuar me disa kryetarë të cilët kanë shpalosur detaje nga përditshmëria e tyre, e cila mund të jetë e panjohur për shumëkënd.
Alban Hyseni – kryetar i Gjilanit, në ditë të zakonshme zgjohet në ora 7 por ndodh edhe më herët. Në kohën e lirë mundohet me lexu e me u marrë me aktivitet sportiv. Ushqimet tradicionale i do shumë pak. Ushqimi i tij i preferuar është mishi i bardhë.
Bali Muharremaj – kryetar i Suharekës, çdo ditë zgjohet në ora 6:45. Në punë del në ora 7:30. Kafen e mëngjesit nuk e pi në zyre por është vazhdimisht në teren me biznese, punëtorë, policë, zjarrfikësa. Nuk ka shumë kohë të lirë. Punon vazhdimisht. Orari i punës i zgjat edhe pas orës 16. Nuk ka të shtune e të diel. I do ushqimet e bashkëshortes që ia përgatit në shtëpi.
Ruzhdi Shehu – kryetar i Junikut, zakonisht zgjohet në ora 6:30-7. Kohën e lirë e shfrytëzon për pushim me familje. Ushqimi i preferuar është rizoto me mish pule apo me mish viçi.
Besim Ilazi – kryetar i Kaçanikut, zakonisht zgjohet në ora 7:10. Nga ora 8 deri në 16 është në komunë. Kohë të lirë ka shumë pak, pasi që ushtron një profesion të dytë, është dentist. Kohën tjetër e kalon në ordinancë. Ushqimet e bylmetit i do më së shumti.
Ekrem Kastrati – kryetar i Malishevës, zakonisht zgjohet në ora 6:30. Në kohën e lirë merret me aktivitete sportive. Luan futbollin e vogël. Ecë nëpër mal. E do kuzhinën kosovare.
Gazmend Muhaxheri – kryetar i Pejës, zgjohet në ora 7:10. Kur ka kohë të lirë mundohet me i taku miqtë, me ecë, me shëtit. Ushqimi i preferuar është pasuli.
Fadil Nura – kryetar i Skenderajt, zgjohet në ora 6:30. Në kohën e lirë lexon. Kryesisht preferon të hajë sallata./Botapress.info/