Një ngjarje e rëndë ka ndodhur sot në rrugën “Nexhip Dragaj” në Mitrovicë, ku një grua tentoi t’i japë fund jetës së saj duke kërcyer nga kati i dytë i ndërtesës ku banonte. Viktima fillimisht ksihte shenja jete por pasi u dërgua në QKUK nuk arriti të mbijetojë dhe vdiq. Ky rast ka tronditur familjen Hasani, të cilët të pikëlluar kanë marrë lajmin për vdekjen e Afërditës.
Sinjalizuesit e Gazetës Sinjali kanë bërë me dije se Afërdita Hasani, 35-vjeçare, vdiq në QKUK dhe trupi i saj tashmë është dërguar në IML për obduksion.
E rëndë: 34-vjeçarja hidhet nga kati i dytë i banesës në Mitrovicë
Rasti është konfirmuar edhe nga Policia Rajonale në Mitrovicë, që bënë të ditur për Sinjalin se kanë nisur hetimet që zbardhin motivet dhe rrethanat e ngjarjes.
“Sot, rreth orës 14:00, është raportuar se në rrugën ” Nexhip Dragaj” në Mitrovicë, si pasojë e rënies nga lartësia e një ndërtese ka pësuar lëndime trupore viktima rreth 35 vjeçare, femër/ kosovare, e njëjta është dërguar për tretman mjekësor. Ndërsa në ora 18:00, nga QKUK në Prishtinë është raportuar se viktima ka vdekur.Me urdhër të prokurorit trupi i pa jetë dërgohet në IML për obduksion. Hetuesit policor kanë nisur hetimet për të sqaruar rrethanat e rastit.”
Ndryshe, rasti ka ndodhur rreth orës 13:00, kur e ndjera tentoi t’i jap fund jetës së saj duke u hedhur nga kati i dytë i banesës në rrugën “Nexhip Dragaj”. Viktima fillimisht shpëtoi dhe kishte shenja jete kur i është dhënë ndihma mjekësore në vendin e ngjarjes.
Nga Spitali Rajonal i Mitrovicës ajo u transferua në Qendrën Klinike Universitare të Kosovës për trajtim të mëtutjeshëm mjekësor, ku edhe vdiq.