Ish kryeministri i Kosovës, Isa Mustafa e ka komentuar rifillimin e dialogut të nivelit të lartë Kosovë- Serbi. Ai ka thënë se edhe Kurti, por edhe Vuçiq janë ftuar në Bruksel për të vazhduar dialogun mes dy vendeve.
Sipas tij, qasja e atyre dyve mund të dallojë varësisht nga nevoja që ata ndjejnë për konsum të brendshëm.
“Por BE dhe SHBA nuk janë deklaruar asnjëherë pë ristart apo dialog të ri”, ka thënë ish kreu i LDK-së.
Më tutje, ai ka thënë se meqenëse Kurti e ka kundërshtuar dialogun me Serbinë me të gjitha mjetet dhe këmbëngulte për dialog të brendshëm me serbët, tani siç thotë Mustafa ai po kërkon rrugë për të kamufluar dorëzimin e tij.
“Edhe për mua është brengosës dorëzimi i tij dhe heqja dorë nga të gjitha zotimet, sepse ky dorëzim mund të ketë pasoja për të ardhmen”, ka shtuar Mustafa.
Sot në Bruksel është mbajtur takimi mes kryeministrit Kurti dhe presidentit serb Vuçiq.Sipas deklarimeve të tyre publike e vetmja gjë për të cilën janë dakorduar është vazhdimi i dialogut të nivelit të lartë. Kësisoj dyshja Kurti- Vuçiq do të takohen më 25 korrik.
Në këtë takim, Kurti ka bërë katër propozime të cilat janë refuzuar nga pala serbe./Botapress/
