Dyshohet se 34-vjeçari Rudolf Nikolli vuan nga probleme të shëndetit mendor.Ky është konkluzioni paraprak, referuar sjelljes së tij në polici.Mediat shqiptare kanë publikuar videon momentin kur policia shqiptare ka arrestuar autorin.
Autori që plagosi 5 persona ditën e sotme në xhaminë te rruga e Kavajës, Rudolf Nikolla, nga Mati, ka plagosur me thikë dhe Robert Kurtin, 32 vjeç në mars të këtij viti.
Sipas gazetarit të Ora News Elton Qyno, ngjarja ka ndodhur në 11 mars 2021 në zonën e parkut të autobusëve.Prej 11 marsit 2021 Rudolf Nikolla ka qenë në kërkim policor, për ngjarjen e rëndë.Ndërsa sot Nikolla është bërë protagonist i një krimi të rëndë, duke hyrë në ambientet e xhamisë dhe tentuar të vrasë 5 persona.
