Këngëtari 74-vjeçar, Elton John, po udhëtonte nga aeroporti i Farnborough në Hampshire për një koncert në Nju-Jork, kur piloti njoftoi ndërsa ndodheshin mbi Irlandë, se duhet të ktheheshin menjëherë për shkak të një defekti.
Ishte moment paniku për këngëtarin e njohur Elton John, pasi avioni i tij privat me të cilin udhëtonte drejt Nju-Jorkut pësoi një defekt në sistemin hidraulik dhe për këtë arsye, bëri ulje të detyruar. Pavarësisht problemeve, avioni dështoi të ulej dy herët e para për shkak të erërave të forta që arrinin deri në 120 km në orë.
“Aeroplani ishte goditur nga erërat dhe nuk mund të ulej. Ishte e tmerrshme ta shihje”, tha një dëshmitar./Botapress.info/