Deputetja e Kuvendit të Kosovës, Duda Balje, e njohur për deklaratat kundër komunitetit LGBTQ+, ka reaguar për blerjen e veprës – fotografi me titullin “Dita e Shën Valentinit” prej 10 mijë eurove nga Ministra e Kulturës.
Ajo përrmes një postimi në “Facebook” ka pyetur se ku është arti në atë fotografi. Duke e quajtur përzgjedhjen e Ministrisë si të pa logjikshme.
“Epo hajde tani, kjo është një foto për të cilën ministria ka dhënë 10 mijë euro! Pa emocion ju pyes, se në cilën pjesë mund të shihet arti, kreativitet, bukuria këtu???? Për mua personalisht, pa logjikë”, ka shkruar ajo.
Ndryshe, deputeti i Lëvizjes Vetëvendosje, Gramos Agusholli, i njohur për deklaratat kundër komunitetit LGBTQ+, ka reaguar për blerjen e veprës me titullin “Dita e Shën Valentinit” prej 10 mijë eurove nga Ministra e Kulturës.
“Absurde është tendenca që dhunshëm me “normalizu”seksualitetin e dikujt. Dhunë psikologjike mbi ne dhe fëmijët tonë”, ka shkruar Agusholli. Deputetin e ka alarmuar “rëndësia” që ai beson se po u jepet komuntetit LGBTQ+.
Ndonëse nuk njihet si kritik i artit, Agusholli vë në dyshim nëse kjo vepër mund të quhet art.Edhe bashkëpartiaku i tij, Visar Korenica mbështeti qëndrimin e Agushollit.
“Komisioni i ka hyp skijave”, ka shkruar ai në Facebook.
Kujtojmë që Kodi Civil fliste për lejimin e bashkësive të regjistruara civile ndërmjet sekseve të njëjta duke theksuar se kushtet dhe procedura lidhur me këtë rregullohen me ligj të veçantë.
Ministria e Drejtësisë e ka bërë të qartë se Kodi Civil do të rikthehet përsëri në votim./Botapress.info/
