Para pak ditësh bënë bujë të madhe dhe u shpërndanë gjithandej disa fotografi të realizuara mes përfaqësueses serbe dhe atyre të Shqipërisë e Kosovës.
Përfaqësuesja serbe në konkursin “Miss Internacional”, Valentina Petroviq, është shfaqur me përfaqësuesen e Shqipërisë, Frontina Gashi dhe atë Kosovës, Besa Çitaku, në një imazh duke treguar tre gishtat, simbol ky i urrejtjes për kroatët, boshnjakët dhe shqiptarët.
Dhe meqë fotografia e tyre u bë virale dhe mori shumë kritika, modelet shqiptare kanë bërë një sqarim për ATV duke treguar atë që qëndron pas gjithë kësaj.
Foto: Instagram
“Pasi që që është bërë kaq e madhe në Serbi, Valentina ‘Miss Serbia’ erdhi tek ne në dhomë duke qarë, ishte në një gjendje shumë të keqe, normalisht sikurse ne femrat qe jemi edhe nëse e shohim dikë në atë gjendje besoj që kishim bërë një gjest të vogël, ajo më tha se nuk jam duke folur me familje po më thonë ta lë garën, a mundeni vetëm të bëjmë një foto së bashku t’ia dërgoj menaxherit tim kam shumë probleme të mëdha në Serbi”.
“Ne nuk e kemi ditur se çfarë saktësisht simbolizojnë tre gishta, e kemi bërë vetëm kot sa për të qetësuar situatën mes saj dhe menaxherit të saj. Çfarë ka ndodh mes shteteve është tjetër çka, ne e kemi bërë më shumë për shkak të familjes së saj. Ajo fotografi është bërë jo përse ne kemi dashur, por për shkak të gjendjes që ishte. Ka pasur kërcënime të mëdha”, kanë thënë shqiptare, Besa Çitaku e Frontina Gashi.
Foto: Facebook
Nga ana tjetër, Valentina Petroviq u detyrua të largohet në rrjetet sociale pas fyerjeve që mori nga shteti i saj meqë bëri simbolin e shqiponjës bashkë me modelet shqiptare.
