Gazetari Milaim Zeka ka ironizuar me deklaratën e para disa ditëve të ish-komandantit të Zonës Operative të Llapit, Rrustem Mustafa (Remi) se kryeministrin Albin Kurti e ka pasur bashkëluftëtar.
Zeka ka publikuar një fotomontazh ku shihen Rrustem Mustafa dhe Albin Kurti duke e luajtur një lojë të vjetër.
“Foto nga arkiva e luftes ne Zonen Operative te Llapit. Finalja mbahet ne Abri”, ka shkruar Zeka mbi fotografi.
Pas deklaratës së Remit, Zeka shkroi se ky i fundit po luan me luftën.
“Remi dhe loja e guxhave me luften. Rrustem Mustafa – Remi, tha ne nje deklarate se ”Albin Kurtin e ka pas bashkeluftetar” ktynehere.Thash me tregu edhe une qe Remin e kam pase bashkelojtar te guxhave, ne oborrin e shkolles fillore ne Abri.Nese e para eshte e vertete, pse mos me kane edhe kjo e dyta…!!!”, ka shkruar Zeka.
Ish-komandanti i UÇK-së për Zonën Operative të Llapit, Rrustem Mustafa – Remi,të martën ka thënë se kryeministrin e Kosovës, Albin Kurtin, e ka pasur bashkëluftëtar në luftë.
“Po flet ashtu sikur ai e njeh problemin, në vendin tonë nuk ka pasur krime lufte nga çlirimtaret. Unë Albin Kurtin e kam pasur bashkëluftëtar”, është shprehur Remi./Botapress/
