Janë arrestuar tre serbë dhe një shqiptar në Kllokot, nën dyshimin se ata kanë manipuluar me fletëvotimet. Për detaje më të hollësishme rreth këtij rasti ka folur Ismet Hashani, zëdhënës i policisë në Rajonin e Gjilanit.
“E kemi pasë këtë informacion dje dhe në orët e vona të natës policia në bashkëpunim m,e prokurorinë e shtetit i ka arrestuar katër persona. Për momentin nuk mund të flasim për identitetin e tyre. Por janë gjetur disa prova materiale, një shumë e të hollave dhe disa fletëvotime të plotësuara, me gjasë kanë pretenduar t’i plasojnë si të vërteta të nesërmen, pra për sot”, ka thënë Hashani.
Sipas Hashanit prokurori i shtetit për këta persona ka vendosur masën e ndalimit për 48 orë.
Klan Kosova mëson jozyrtarisht se njëri nga të dyshuarit është djali I kryetarit të Kllokotit, Bozhidar Dejanoviq. Dhe njëri nga të arrestuarit i ka marrë 200 euro për votë.
Ndërkaq lidhur me këtë, është zëdhënësi Ismet Hashani ka thënë se nuk mund të flasin për emra individualë.
