Skandali i ambasadorit kosovar në Kroaci, z.Martin Berishaj, ku dyshohet se është përfshirë në shpëlarje parash me politikanë në Slloveni – para që sipas mediave sllovene – rrjedhën e kanë nga dega e GEN-it serb, ka ngjallur dyshime të mëdha në opinionin publik kosovar, duke e lidhur këtë skandal edhe me krizën energjetike në Kosovë.
Para pak ditësh, më saktë 19 prill, Kuvendi i Kosovës dështoi të votojë themelimin e një Komisioni hetimor për çështjen e krizës energjetike.
Ishte PDK që kishte inicuar themelimin e një Komisioni të tillë, nismë që u mbështet edhe nga partitë tjera opozitare. Por, ishte partia në pushtet – Vetëvendosje – që nuk votoi themelimin e Komisionit hetimor për rrymën.
Në mesazhin e kryetarit të PDK-së, Memli Krasniqi, të po asaj date (19 prill 2022), ai foli për ‘krimet potenciale që po fsheh Qeveria’ lidhur me çështjen e energjisë.
“Çfarë po fsheshin me kaq bindje dhe çfarë krimesh potenciale janë duke i mbrojtur me këtë insistim kundër hetimit parlamentar, duke shkelur edhe ligjet dhe Kushtetutën e vendit?”, shkruante Memli Krasniqi i PDK-së atë ditë, shkruan Botapress.info
Iniciativa e PDK-së për Komision Hetimor, vinte veç 9 ditë pasi Gjykata Themelore në Prishtinë, miratoi kërkesën e kësaj partie për masë të përkohshme të pezullimit të vendimit të ZRrE-së për shtrenjtimin e rrymës.
E Lidhja Demokratike e Kosovës në anën tjetër, kërkonte të zbardhej edhe një e vërtetë tjetër: ajo lidhur mbi shpenzimin e 100 milionë eurove subvencione nga Qeveria për faturat e shtrenjta të energjisë.
Refuzimi e partisë në pushtet, Vetëvendosje, kryetari i LDK-së, z.Lumir Abdixhiku e pa si shenjë frike ndaj të vërtetës.
“Ky refuzim hetimi, është shenjë frike e pushtetit rreth së vërtetës që megjithatë do të zbardhet herët apo vonë. Sa më i fortë refuzimi, aq më i domosdoshëm bëhet hetimi”, shkruante Abdixhiku ditën e 19 prillit 2022.
Dyshime nga opinioni kosovarë
Gazetari dhe analisti Valon Syla, përmes një shkrimi në Facebook, tha se skandali i orëve të fundit, ‘na tregon të vërtetën e shtrenjtimit të rrymës’.
“Kompania e Martin Berishajt, MB Consulting, kompani qe e ka vec ni punetor, dmth vete Martin Berishajn, u angazhu prej kompanise serbe, GEN-i, per keshilldhenie dhe perfaqesim ne shitjen me shumice te rrymes ne tregun e Kosoves dhe Shqiperise. Tash pe dijme pse u shtrenjtu rryma kaq shume dhe pse VV po refuzon themelimin e Komisionit Hetimor per energji. Po i vjen era e keqe. Pra rritja e çmimeve nuk ka lidhje veç me luften ne Ukraine por edhe me krim qē po duket i organizuar me shokë të Albinit në Qeverinë Kurti me kompani serbe”, shkruan Syla.
Ndërkaq gazetari Astrit Gashi shkruan:
“Per “mafine energjetike” serbe ne Ballkan pata shkruar fillimisht diku ne fillim te 2000’tave ne Koha Ditore. Ishte koha kur reduktimet shkonin 8 me 2 ne favor te territ. Qe nga ajo kohe nuk jam ndalur kurre te shkruaj e flas per pavaresimin energjetik te Kosoves.
Sot po ndihem i lenduar qe edhe nje shqiptar, nje njeri qe e kam konsideruar si te zotin e te mire, nje ambasador i Kosoves, te perfitet ne nje skandal financiar ne Slloveni qe perfshine edhe parat e kesaj firme”./Botapress.info/