Një raport interesant është duke qarkulluar që përpiqet të ofrojë një pikëpamje ndaj rritjes së pakënaqësisë në mesin e elitës ruse me Vladimir Putinin, shkruan Sky News, përcjell Botapress.info
Meduza, një ueb-faqe e pavarur e lajmeve me seli në Letoni, ka cituar burimet që ajo thotë se janë të afërt me Kremlinin duke thënë se presidenti është fokusi i pakënaqësisë në mesin e atyre që janë ‘pro’ dhe ‘kundër’ luftës kundër Ukrainës.
Teksa burimi i nervozës në mesin e kundërshtarëve të aksionit ushtarak është i qartë, ata që e mbështesin pushtimin raportohet se nuk janë të lumtur me progresin e arritur deri më sot dhe se ata dëshirojnë një qasje më të “ashpër”.
Figurat e larta biznesore dhe shumë anëtarë të qeverisë thuhet se janë të pakënaqur që Putin nisi luftën pa menduar rreth shkallës së sanksioneve të vendosura si rezultat i luftës.
Dhe burimet e afërta me adiministratën e tij thonë se një e ardhme pa presidentin “është duke u diskutuar në vazhdimësi”- me bisedimet që po ndodhin rreth pasardhësve potencialë “prapa skenave në Kremlin”, sipasa faqes.
Aty pretendohet se këto diskutime përfshijnë kryetarin e Moskës, Sergei Sobyanin, ish-presidentin rus dhe aleatin e afërt të Putinit, Dmitry Medvedev dhe Zëvendës-kreun e parë të Administratës presidenciale, Sergei Kiriyenko.
Raporti thotë se teksa diskutimet nuk përfshijnë përpjekjet për “rrëzuar Putinin tani për tani dhe as përgatitjen për një konsiparcion”, “aty ka një mirëkuptim dhe një dëshirë që në një të ardhme të parashikuar, ai nuk do ta udhëheq shtetin”.
“Presidenti e ka bërë lamsh, por pastaj e gjitha mund të rregullohet- disi të arrihet një marrëveshje me Perëndimin dhe Ukrainën”, ka thënë një burim për sajtin.
Megjithatë, faqja shton se burimet saj theksojnë se “çdokush në pushtet e kupton se Putin mund të largohet nga presidenca vetëm nëse shëndeti i tij përkeqësohet”, duke nënkuptuar se tani për tani “pakënaqësia e zyrtarëve të lartë nuk manifestohet në asgjë- përveç se ata bisedojnë në mes vete”. /Botapress.info/