Ministria e Shëndetësisë ka bërë të ditur se në 24 orët e fundit janë kryer 5639 testime, nga të cilat kanë rezultuar pozitiv me koronavirus 547 qytetarë.
Ndërkohë, në 24 orët e fundit kanë ndërruar jetë 5 persona të prekur me Covid-19, ndërsa 298 janë shëruar.
Aktualisht, në spitalet COVID po marrin trajtim 90 pacientë. Më së shumti raste të reja janë konfirmuar në Tiranë- 239. Janë 5.506 pacientë aktivë me COVID19 në të gjithë vendin.
Me gjithë përpjekjet e mjekëve, në 24 orët e fundit ka 5 humbje jete me SARS-COV2 pozitiv: një qytetare nga Gramshi 64-vjeçe, një qytetar nga Elbasani 76-vjeç, një qytetar nga Durrësi 78-vjeç, një qytetar nga Tirana 86-vjeç, një qytetar nga Lushnja 88-vjeç.
Që nga shpërthimi i epidemisë me koronavirus në Shqipëri janë regjistruar 208.899 raste, prej tyre 200.181 janë shëruar, 5.506 janë aktive, ndërsa betejën me sëmundjen e rrezikshme e kanë humbur 3.212 pacientë./Botapress.info/
