Vaksinimi i rreth 60% të popullatës është synim i Qeverisë Kurti. Por kjo fjalë e bukur është vetëm në draft programin e Qeverisë. Realiteti është krejt ndryshe shkruan Botapress.
Kështu deri më tash asnjë vaksinë nuk është blerë dhe asnjë kontratë nuk është arritur nga asnjë prej dy Qeverive të fundit të Republikës së Kosovës prej se është shfaqur pandemia Covid 19.
Qeveria Hoti megjithëse kishte paralajmëruar se është në kontakt me disa kompani për blerje të vaksinave anticovid 19, der në fund të mandatit të saj nuk u realizua asnjë kontratë.
Qeveria Kurti poashtu paralajmëroi se është në kontakt me disa kompani për blerje të vaksinave anticovid, por përcec një afere të kundërshtimit të një ofertë me një kompani amerikane, që u publikua nga mediet, dicka konktrete nuk është arritur deri më tash.
Kosova deri tani është furnizuar me 67 mijë e 80 vaksina, 62 mijë e 400 doza të AstraZenecas ishin falas nga COVAX, ndërsa 4 mijë e 680 doza të vaksinës Pfizer nga Bashkimi Evropian.
Përballë një “kollapsi” të tillë për mungesë vaksinash, shumë qytetarë të Republikës së Kosovës, sidomos të anës së Anamoravës po detyrohen të marrin vaksina në Serbi, përkatësisht në Preshevë e në qendrat e tjera të mjekësisë familjare në Serbi.
Asamblistja e AAK-së në Gjilan e merr vaksinën në Serbi: Marre për qeverinë tonë
Me një fjalë, populli i Kosovës është në mëshirën e donatorëve evropianë dhe aspak nuk ka shpresë në veprimet konkrete të Qevirisë Kurti e cila përvec se po tregohet neglishente, në disa raste edhe “kokëforte” në aranzhimin e kontratave për të siguruar vaksinën anticovid.
Vlen të theksohet se Shqipëria në këtë drejtim është ndër vendet e para në rajon që ka vaksionuar popullatën ndërka edhe Serbia nuk mbetet prapa.
Kosova, me procesin e deritashëm të vaksinimit as nuk ka hyrë fare në hartën e vendeve me shkallë të matjes së vaksinimit të popullsisë me vaksinën anticovid.
Ndaj ku janë vaksinat kryeministër Kurti, ku janë kontratat ministër Vitia, shkruan Botapress.