Hasan Berisha, nga fshati Dubravë e Kaçanikut, është vrarë të martën në Kaçanik si pasojë e një shkëmbimi me armë zjarri, raporton Paparaci.
Në të njëjtin rast mbeti i plagosur rënd një Kastriot Berisha, vëllai i viktimës i cili po e vazhdon trajtimin në QKUKU.
Të dyshuarit për rastin ende janë në arrati dhe nuk janë kapur nga policia.Këtë e ka konfirmuar për Paparacin kryeprokurori i Prokurorisë Themelore në Ferizaj, Shukri Jashari.“Sa kam informacione unë, deri tani ata janë të pakapshëm. Nuk janë arrestuar”, ka thënë kryeprokurori Jashari.
Jashari tutje ka thënë se personat e dyshuar për vrasjen dhe plagosjen janë në kërkim nga policia por që Akoma nuk janë kapur.
“Ata janë në kërkim por nuk janë arrestuar akoma”, ka thënë ai.
Lidhur me rastin Prokuroria Themelore në Ferizaj, konkretisht Departamenti për Krime të Rënda përmes një komunikate të martën ka bërë të ditur se motivet për këtë ngjarje ende nuk dihet dhe të dyshuarit gjenden ende në arrati.
Sipas Prokurorisë, të dyshuarit kanë kryer veprën penale “Vrasje e rëndë”, të Kodit Penal të Kosovës.
“Prokuroria Themelore në Ferizaj, në bashkëpunim me Policinë e Kosovës janë duke ndërmarrë të gjitha veprimet e nevojshme hetimore dhe janë duke punuar rreth zbardhjes së rrethanave të ngjarjes”, thuhet në njoftimin e tyre./Botapress.info/
