Botapress 1 Qershor – Komisioni Evropian i ka ndarë edhe 50 milionë euro për Kosovën.Kështu ka njoftuar sot shefi i Zyrës së Bashkimit Evropian në Kosovë, Tomas Szunyog.
Përmes një postimi në “Twitter”, Szunyog ka thënë se përmes kësaj ndihme tregohet mbështetja e BE-së për adresimin e problemeve të shkaktuara nga pandemia.
Më tej, ai ka shtuar se do të vazhdojnë të punojnë me autoritetet e vendit tonë në zbatimin e politikave efektive që kanë qëllim rimëkëmbjen më të shpejtë dhe rritjen e qëndrueshme e stabile ekonomike.
“Komisioni Evropian ka ndarë sot 50 milionë euro për Kosovën, nga Kredia për Ndihmë Makro-Financiare. 50 milionë të tjera tashmë janë ndarë për Kosovën, duke bërë totalin prej 100 milionë euro. Kjo tregon se Bashkimi Evropian po vazhdon ndihmën për Kosovën në adresimin e sfidave socio-ekonomike të pandemisë Covid-19. Ne do të vazhdojmë që të punojmë me autoritetet kosovare që të implementojmë politika efektive për një rimëkëmbje dhe rritje të qëndrueshme ekonomike”, ka shkruar ai.
Happy to announce that the EU support to Kosovo to deal with the #COVID19 pandemic continues! pic.twitter.com/NWKuws4BY9
— Ambassador Tomáš Szunyog (@EUAmbKS) June 1, 2021
