Deputeti i Kuvendit të Kosovës Memli Krasniqi, konsiderohet tash e sa kohë si një nga personalitetet më të rëndësishme të gjeneratës së re të PDK-së.
Ai madje sot zyrtarizoi kandidaturën e tij për të marrë timonin e drejtimit të Partisë Demokratike të Kosovës, subjekt në të cilin ai çdo herë është konsideruar ”armë e fortë”.
Megjithatë, kush ishte dikur Memli Krasniqi para se t’i futej botës së politikës?! Për shumë vite ai ishte aktiv në industrinë e muzikës dhe punoi në projekte të ndryshme muzikore, kryesisht si këngëtar dhe anëtar i grupit hip-hop Ritmi i Rrugës.
Memli Krasniqi dikur ishte një nga reperët më të njohur dhe ”Përjetësisht”, ”Ushtari i rrugës”, janë dy nga këngët e tij të cilat bën bujë në Kosovën e pasluftës.
”Gjashtë vite rojtar i huaj, derisa krijova gardën time, Bos ushtar i i rrugës, kjo ishte ëndrra ime”, janë vetëm disa nga vargjet të cilat dëgjohet t’i këndonte Memli Krasniqi mes tjerash.
Ndonëse ky grup tashmë i mungon skenës muzikore, Ritmi i Rrugës, është një nga më të suksesshmit në historinë e Hip Hop-it, duke filluar qysh në vitet e para të ’90-ës, kohë kjo në të cilën bota e muzikës s’ishte aq e njohur./Botapress/
