Në fjalën e tij, kryeministri Kurti ka bërë thirrje që të lihen anash dallimet e të bëhemi bashkë para vlerësimit të luftës së UÇK-së.
Por, Kurti në 2019 një postim në Facebook e kishte titulluar “Shko Hashim”, ku gjatë atij teksti këtë kërkesë e kishte bërë 17 herë.
Ai thoshte fjalë tjera në drejtim të ish-presidentit Hashim Thaçi, të cilit i thoshte se i ka ardhur momenti të shkonte në Hagë.
Kurti në atë postim i thoshte Thaçit të shkojë, sepse nga fjalët e tij, i takon ta bëj këtë. Ai pati thënë se Thaçi mendon që dhjetëra pjesëtarë të UÇK-së të shkojnë në Hagë, kurse ai të mbetet në Prishtinë si president.
“Po pra, shko Hashim. Në Hagë thuaje fjalën tënde me argumente e fakte, në mbrojtje të luftës çlirimtare, të UÇK-së, të shqiptarëve e të historisë sonë. Të takon”.