Kledi Hysa këtë të hënë ishte në programin “Abc e Pasdites”. Ai foli për ngjarjen që ngacmoi opinionin publik mes historisë së tij të dashurisë jashtë shtëpisë më të famshme dhe Trixës. Ai nënvizoi se nuk e tha që ishte në një lidhje sepse Beatrix nuk e pyeti teksa sqaron raportin aktual me partneren.
“Ajo asnjëherë nuk më pyeti, a je në lidhje? Sepse në po bënim muhabet dhe s’mund të thosha që jam i lidhur. Ajo iku, le ta shijoj Donaldi. E dashura ime nuk erdhi prej problemeve me avionin, jo se nuk donte. Kishte shkruajtur gjëra për mua por nuk u transmetuan. Jemi bashkë, të shohim për më tej.”
Ndërkohë ngjarjet kanë avancuar, mes Trixës dhe Donaldit kanë lindur ndjenja. Për këtë gjë, Kledi nënvizoi se në fillim mendoi së ishte një lojë, por që mesa duket diçka po ndodh mes tyre. Aktorja Monika Lubonja gjatë bisedave në shtëpi ka pohuar se Kledi qëndron në shtëpi për shkak të Arbana Osmanit, sepse kanë qenë shok në të njëjtën shkollë
Ai gjatë intervistës me Ermalin theksoi se kur ishte brenda nuk e kishte kuptuar por kur doli e kishte parë edhe njëherë në youtube deklaratën e Monikës. ‘Aty janë thyer shumë rregulla të forta. Arbana thjesht më ndihmoi të hyja. Monika dihet ça flet tani, s’thotë pastaj. Monikës nuk i takonte fare, kalon kufijtë’. Teksa përmendi 5 finalistët e tij, fitoren Kledi ja uroi Arjolës.
Pak ditë më parë i ftuar në “Fan Club”, Kledi ka folur rreth “trekëndësishit” dhe të dashurës. Ai u shpreh se shpeshherë nuk arrinte të kontrollonte emocionet e tij. Ndërsa për takimin me Beatrixën, tregoi se u habit nga fakti se ajo e dinte që do të ishte zgjedhja e Kledit.
“Jam njeri që nuk i tregoj shumë emocionet dhe aty nuk e kontrolloja dot veten dhe shpesh herë pyesja “A jam unë ky”. Edhe në shumë shoë live, më pëlqente se njeriu do ta tregojë emocionin. Çdo herë kur tregoja emocione ndihesha shumë i lumtur.”, u shpreh Kledi.
