Rastet e dhunës në familje janë shtuar tepër shumë kohëve të fundit. Madje nuk shkon asnjë ditë e vetme që në ndonjë nga qytetet apo venbanimet e Kosovës të mos ndodhë ndonjë dhunë në familje, madje edhe me pasoja të rënda si rrahje, plagosje e madje edhe vrasje, shkruan Botapress.
E kjo dhunë kryesisht ushtrohet ndaj femrave, vajzave të mitura, grave apo edhe nënave plaka që ushtrohet nga mashkujt, bashkëshortët, prindërit apo edhe djemtë ndaj nënave.
Një rast i tillë ka ndodhur edhe dje në Fushë Kosovë. Një djalë i mitur e bën nënën për spital. E që absurdi të jetë më i madh, prokurori i rastit, të dyshuarin e len të lirë me procedurë të rregullt, thuhet në raportin e Policisë së Kosovës:
“Është arrestuar i dyshuari mashkull kosovar i mitur, pasi që ka ushtruar dhunë ndaj nënës së tij viktimës femër kosovare. Viktima si pasojë e presionit ka përdorur sasi të tepruar të barnave qetësuese, e cila ka pranuar tretman mjekësor në QKUK. Me vendim të prokurorit, pas intervistimit palët janë liruar dhe rasti shkon në procedurë të rregullt” thuhet në raportin e rregullt ditor të Policisë së Kosovës.