Kryetari i Odës së Hotelerisë ka treguar se si do të respektohen masat anti Covid gjatë mbajtjes së dasmave.Është vendi në të cilën mblidhen shumë njerëz për të kremtuar gëzimet e tyre.
Mirëpo hotelet e sallat e dasmave kanë më shumë se një vit që qëndrojnë të mbyllura për dasmorë.
Kjo me vendim të Qeverisë si masë parandaluese për sëmundjen e Covid-19.
E tash pas një kohe të gjatë në takimin e fundit me ministrin e Shëndetësisë Arben Vitia është paralajmëruar që do të lejohet mbajtja e dasmave.
Ndërkaq vetëm në këtë sallë janë rezervuar më shumë se 30 data për dasma gjatë verës.
Kjo hapësirë këtu ka 900 metra katrorë, e me vendim të ri brenda saj mund të lejohen rreth 350 persona.
Pra në bazë të madhësisë së sallës do të përcaktohet edhe numri i personave që mund të marrin pjesë në dasëm.
Se si funksionon kjo e tregon vetë kryetari i Odës së Hotelierisë dhe Turizmit të Kosovës, Hysen Sogojeva.
Sogojeva tregon edhe cili ishte propozimi i tyre ndaj ministrit të Shëndetësisë, e që tani nuk është përfshirë në vendim.
Ndërkohë edhe pse Ministria e Shëndetësisë me Odën e Hotelierisë janë marrë vesh në mes veti, pritet që të votohet në Qeveri për tu marrë një vendim i tillë.
