Mysafirët e një restoranti në Mississippi të Shteteve të Bashkuara shkuan aty për të ngrënë ushqim, por hëngrën diçka tjetër – dajak.
Në një video që po qarkullon shumë në internet shihen disa persona në një restorant duke e goditur njëri-tjetrin me grushte e objekte tjera, përfshirë karriget. Ngjarja ndodhi fundjavën e kaluar në qytetin Jackson.
“Ishte shumë shqetësuese. Ishta e shqetësuar për fëmijët që ishin të përfshirë, kur karriget po fluturonin mbi ta, prandaj e thirra policinë”, tha menaxherja asistuese e restorantit, Stella Jones, shkruan Fox News.
Besohet që përleshja e dhunshme ndodhi pas nisjes së një zënke mes dy grupeve të mysafirëve. Sidoqoftë, ende nuk dihet se çfarë e shkaktoi zënknë.
Të dyshuarit arritën që të largohen nga vendi i ngjarjes para ardhjes së forcave policore. Pronari i restorantit ua ka dorëzuar autoriteteve pamjet nga kamerat e sigurisë dhe fotografitë e targave të një veture që ndodhej në parking, por ende askush nuk është arrestuar në lidhje me këtë rast./Botapress/
https://twitter.com/Jayne720/status/1387174889736609793?ref_src=twsrc%5Etfw%7Ctwcamp%5Etweetembed%7Ctwterm%5E1387174889736609793%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fkercet-dajaku-ne-nje-restorant-amerikan-fluturojne-karriget%2F
