Vëllau i Astrit Ademajt që u vra në Pejë, që ishte kandidat për kryetar të kësaj komune nga PDK, ka folur së fundmi pasi familja e tij kanë marrë iniciativë që sot në zgjedhjet lokale të vendosen lule te varri i të ndjerit, shkruan Gazeta Botapress.info
Vëllau i Ademajt, tha se vrasja e tij ishte krejtësisht politike, dhe tha se ai ishte vrarë te biznesi i familjes e jo diku tjetër. Ai shtoi se nuk kanë ndonjë informacion për zbardhjen e hetimeve, por vrasjen e quajti politike, pasi tha se bazohet në deklaratat që ka dhënë vëllau tjetër i tij që mbeti i plagosur në vendngjarje.
‘’ S’kemi informacion, përvec vllaut tonë që po mbahet në burg padrejtësisht, pasi vëllau jonë është vrarë para biznesit tonë jo sic janë raportimet, kjo është e verteta. Nuk kemi asnjë informacion, përkundër kërkesës tonë që të zbardhen hetimet, sepse kjo është vrasje politike, vëllau që është gjallë ka treguar se ai ka qenë i shantazhuar që të tërhiqet, dhe Blerand Kadrijaj e ka thirrur duke i thënë se do ndodhte më e keqja’’, tha ai.
Ai shtoi se për familjen sot është një ditë e rëndë, pasi ngjan me varrimin për së dyti të Astrit Ademajt, duke thënë se prisnin që të ishte ditë feste e jo zie.
‘’ Sot për ne është varrimi i dytë, pasi e konsideronim si festë për të hedhur votat për të dhe të festonim fitoren me të.’’
Ai u pyet se ku bazohej që këtë vrasje ta cilësonte politike, derisa tha se bazohej në fjalët e vëllaut që kishte mbetur i plagosur në këtë ngjarje derisa pati një thirrje për partitë politike.
‘’Bazohemi në deklaratën e vëllaut tonë që ka qenë dëshmitar kryesor, pasi aty kanë qenë 3 persona, edhe i ka dëgju këto fjalë që ‘’ose tërhiquni nga kandidatura ose familjen që e keni në Prishtinë s’do e shihni kurrë’’. Familja e tij ka qenë e rrethuar me mafia politike, dhe kështu iu bëj thirrje partive politike të largojnë kriminelët ngha partitë e tyre, të zgjedhen me votë e jo shantazhe’’, përfundoi ai./Botapress.info/
