11 mijë e 458 doza të vaksinës janë administruar në 24 orët e fundit në Kosovë. Kështu është bërë e ditur nga Ministria e Shëndetësisë.
808 mijë e 78 doza të vaksinave janë administruar deri tani në Kosovë. 538 mijë e 766 janë të vaksinuar me një dozë të vaksinës, ndërsa 269 mijë e 312 me dy doza.
“Në 24 orët e fundit janë dhënë 11.458 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 808.078 doza të vaksinës. Deri më sot 269.312 qytetarë janë vaksinuar me dozën e dytë. Nga 11.017 testime, 1.630 qytetarë kanë rezultuar pozitiv me virusin COVID-19”, bëhet e ditur nga Ministria e Shëndetësisë.
Kujtojmë që Kosova sot ka regjistruar rekord të viktimave, gjithsej 36. Ndërsa, edhe 1 mijë e 630 raste të reja të infektuara me virus janë raportuar në vend./Botapress/
