Deputeti i Partisë Demokratike të Kosovës Uran Ismajli ka kritikuar ministrin e Shëndetësisë, Arben Vitia, duke thënë se ai po merret me ish-ministrin Armend Zemaj.
Ismajli ka thënë se Vitia nuk është në dispozicion për të treguar nëse Zemaj ka punuar ose jo, por që duhet të punoj në sigurimin e vaksinave e planin për dhënien e tyre.
“Asnjëherë s;po tregohet një plan. Ne po e dimë që do të vie vaksina, a është ndonjë plan kur do të vaksinohen, ku sa njerëz në muaj, ju s’po jepni asgjë. Ne nuk jemi në pozicion, jemi në vendin e fundit për vaksina me e shiku a ka punuar Armend Zemaj apo jo. Ju nuk jeni për të treguar që ka punuar ose jo. Njerëzit janë në krizë shëndetësore”, ka thënë ai.
Ministri Vitia i ka replikuar deputetit Ismajli duke i thënë se plani për vaksinim është public dhe se do të realizohet pa problem.
“Plani i vaksinimit është plan publik të cilin e dini ju dhe është plan i cili do të bëhet pa asnjë problem në momentin që do të vinë vaksinat. Ky proces nuk do të ndalet”, ka shtuar ai.
