Botapress, 11 Qershor – Ish zëdhënësja e Qeverisë së Kosovës në qeverinë Haradinaj, Donjeta Gashi do të ketë prapë punë me institucionet publike, shkruan lajmi.net.
Zyra e kryeministrit të Kosovës e ka shpërblyer me një tender të vogël biznesin e saj “Donjeta Gashi Hamzaj B.I”. qe për emër tregtare quhet: “N.SH. ” D Creative”.
Behët fjalë për projektin “Krijimi i video –spoteve për Agjencinë për Barazi Gjinore” dhe vlera e kësaj kontrate do të jetë 6900 euro.
Në fillim të muajit Mars 2021, edhe KOSTT ka shpërblyer me një kontratë të vogël në vlerë prej 6550 eurove Donjetë Gashin për projektin “Realizimi i filmit dokumentar”.
Të dy tenderët janë realizuar me lloje të procedurës: kuotim i çmimit, derisa ajo ka qenë e vetmja që ka ofertuar edhe pse tenderi ka qenë i hapur për të gjithë.
