Sot më është bërë një nder i veçantë, e një privilegj i jashtëzakonshëm. Më është dhënë një përgjegjësi që do ta mbaj me shumë kënaqësi gjatë gjithë jetës sime. Sot, u bëra ndrikulla e mbesës së zonjës Fahrije-ndrikulla e të voglës Bena, e cila u lind me 17 Dhjetor 2020.
————————————-
E dashur Bena,
Të uroj ty e motrës tënde, Ema, një jetë të gjatë dhe të lumtur. Qofshi të rrethuara me njerëz të dashur gjithnjë dhe uroj ta vazhdoni rrugën, të cilën ua ka trasuar me shumë mund e sakrifica gjyshja juaj. Nuk kam dyshim që ti e Ema do të korrni sukses e do të vazhdoni të ndërtoni të ardhmen e juaj mbi veprat e krijuara nga e nderuara zonja Fahrije.
Unë do të jem përkrah teje në çdo hap të rrugëtimit tënd në jetë. E do të më kesh pranë në gëzime e hidhërime, suksese e dështime.
E vogla Bena,
Të priftë shëndeti në jetë, e uroj që emri yt e i Emës, të përmendet në historinë e Kosovës, ashtu siç përmendet emri i gjyshes suaj!, ka shkruar Atifete Jahjaga ne Facebook, percjelle Botapress.
