Ish -Presidenti Bill Clinton u shtrua në spital në Kaliforni të martën pas një infeksioni të dyshuar gjaku.
Presidenti i 42 -të i ShBA-ve u dërgua në Qendrën Mjekësore të Universitetit të Kalifornisë Irvine për “monitorim të afërt” dhe iu dhanë antibiotikë dhe lëngje IV, sipas një deklarate të përbashkët nga mjekwt Dr Alpesh Amin dhe Dr. Lisa Bardack.
Zëdhënësi i Presidentit Clinton Angel Urena tha në një deklaratë të veçantë se vizita në spital nuk ka të bëjë me ndonjë infektim me COVID.
Deri të enjten, ish-presidenti 75-vjeçar mbeti në spital dhe ishte “në rregull” dhe “në humor të mirë”, tha Urena.
“Pas dy ditëve të trajtimit, numri i qelizave të bardha të gjakut po zvogëlohet dhe ai po i përgjigjet mirë antibiotikëve,” thanë mjekët e Clinton.
“Ai mbetet në spital për monitorim të vazhdueshëm,” thuhej në deklaratë, raporton The New York Post, përcjellë Botapress.