Në Viti ka ndërruar jetë valltari e veprimtari i njohur i anës së Karadakut, Zija Aliu -Remniku. Zija Aliu u lind më 22 janar 1951, në fshatin Remnik, komuna e Vitisë, ku e kreu shkollimin fillor. Shkollimin e mesēm, normalen e kreu në Gjilan e Ferizaj (shkaku se u përjashtua në Gjilan, si pjesmarrës i demonstrative të vitit 1968).
Nga viti 1972 – 1992, punoi mësimdhënës nëpër shumë shkolla fillore në komunën e Vitisë. Në vitet 1982 – 1987 i përjashtuar nga procesi mësimor, shkaku i vënies në skenë të Valles së Kaçakëve, në Festivalin Ballkanik të Folklorit “Ohri ‘81”.
Nga viti 1992 e këndej, ushtron biznes privat si dhe veprimtari kulturore. Ka qenë anëtar i SHKA “Zenel Hajdini” – Gjilan, “Kastrioti” – Ferizaj. Themelues i SHKA “Rreze Dielli” – Remnik. Ka vepruar në SHKA “Ramiz Sadiku” dhe në Anamblin “Shota” – Prishtinë.
Në vitin 1976 themelon ansamblin e folklorit në nivelin komunal të Vitisë, i pagëzuar së voni me emrin e dëshmorit ‘Kemajl Azizi’. Ka marrë pjesë në dhjetëra e dhjetëra festivale në nivel vendi që nga Gjilani, Gllogovci, Prizreni e Prishtina, në dhjetëra e dhjetëra përfaqësime të Kosovës, në shtete të ndryshme të Ballkanit e Europës.
Po ashtu ka qenë anëtar i AKV Gurra nga Gjilani, si valltar por edhe performues i lojërave popullore dhe sponzorizues i veprimtarive brenda e jashtë Kosovës. Ka marrë shumë shpërblime: Tri herë, valltari më i mirë i Kosovës për luajtjen dhe demonstrimin e valleve burimore të Karadakut.
Në vitin 2005, në një festival të folklorit në Francë, në mesin e 16 shteteve pjesëmarrëse, nderohet me Kupën “Ganat 2005”. Më 2006, në Ankara të Turqisë u ndahet
Shpërblimi Special për kontribut të veçantë, dhënë kulturës. Më 2008, në Shqipëri (Bajram Curri 2008) Çmimi i madh “Panajot Kanaqi, si valltari më i mirë. Eshtë marrë edhe me veprimtari humanitare, pajtimin e gjaqeve, konflikteve e ngatërresave të ndryshme në Viti e Anamoravë.
Ka sponzorizuar shumë veprimtari kulturore përmes firmës private PRES – COM – Viti.Ndihmues i familjeve skamnore dhe shoqatave të ndryshme të themeluara pas luftës. Njohës, kultivues dhe afirmues i traditave kulturore shqiptare të Krahinës së Karadakut.
Për vdekjen e tij kanë lajmeruar familjarët, ky është shkrimi pa ndërhyrje nga ana e Gazetes Botapress.info
Me zemër të thyer dhe shpirt të lënduar,familjare,miq dhe dashamirë ju njoftojmë se sot në orët e mbrëmjes ka ndërruar jetë vëllau/bashkeshorti/babai/gjyshi ynë, ZIja Aliu-Remniku!
Zoti të dhëntë prehje të përjetshme dhe shpirti yt i mirë pastë dritë, atje ku pushojnë të drejtët.
Për varrimin e të ndjerit ju informojmë me kohë!
VEPRIMTARIA E BUJSHME E NJË VALLTARI
ZIJA ALIU
Biografia dhe veprimtaria
U lind më 22 Kallnor (Janar) 1951, në fshatin Remnik, komuna e Vitisë.
Shkollimi
Përgatitjen fillore, në fshatin e lindjes.
Përgatitjen e mesme, në normalen e Gjilanit dhe Ferizajit ( nga shkaku se u përjashtua në Gjilan, si pjesmarrës i demonstratave të vitit 1968).
Veprimtaria arsimore
Nga Viti 1972 – 1992, mësimdhënës nëpër shumë shkolla fillore në komunën e Vitisë
Në vitet 1982 – 1987, i përjashtuar nga procesi mësimor , shkaku i vënies në skenë të Valles së Kaçakëve, në Festivalin Ballkanik të Folklorit “Ohri ‘81”..
Nga viti 1992 e këndej, ushtron biznes privat si dhe veprimtari kulturore e humanitare.
Veprimtaria Kulturore
Në vitet 1966 – 1968
Anëtar iSHKA “Zenel Hajdini” – Gjilan,
Në vitet 1968 – 1971
Anëtar i SHKA “Kastrioti” – Ferizaj
Në vitin 1972
Themelon SHKA “Rreze Dielli” – Remnik
Në vitet 1972 – 75 (si student)
Vepron në SHKA “Ramiz Sadiku” dhe në Ansamblin “Shota” – Prishtinë.
Në vitin 1976, themelon ansamblin e folklorit në nivelin komunal të Vitisë, i pagëzuar së voni me emrin e dëshmorit Kemajl Azizi.
Pjesëmarrja nëpër Festivale
Mes viteve 1971- 2008
Në dhjetëra e dhjetëra festivale në nivel vendi që nga Gjilani, Gllogovci, Prizreni e Prishtina.
Në dhjetëra e dhjetëra përfaqësime të Kosovës, në shtete të ndryshme të Ballkanit e Europës
Mes viteve 1993 – 2003, gjithashtu :
Kontribues dhe anëtar i AKV GURRA nga Gjilani, si valltar por edhe performues i lojërave popullore dhe sponzorizues i veprimtarive brenda e jashtë Kosovës.
Shpërblimet më të rëndësishme
Gjatë viteve të nëntëdhjeta,
Tri herë, valltari më i mirë i Kosovës për luajtjen dhe demonstrimin e valleve burimore të Karadakut.
Në vitin 2005
Në një festival të folklorit në Francë, në mesin e 16 shteteve pjesëmarrëse, nderohet me Kupën “Ganat 2005”.
Më 2006, në Ankara të Turqisë
Shpërblimi Special për kontribut të veçantë, dhënë kulturës.
Më 2008, në Shqipëri ( “Bajram Curri ‘2008 )
Çmimi i madh “Panajot Kanaqi, si valltari më i mirë
. Veprimtaritë humanitare
Në vitet 1990 – 2010, pajtimtar i shumë gjaqeve, konflikteve dhe ngatërresave të ndryshme në Komunën e Vitisë e Anamoravë.
Nga viti 1992 e këndej, sponzorizues i shumë veprimtarive kulturore përmes firmës private PRES – COM – Viti.
Ndihmues i familjeve skamnore dhe shoqatave të ndryshme të themeluara pas luftës .
Njohës, kultivues dhe afirmues i traditave kulturore shqiptare të Krahinës së Karadakut.