Një djalë që u bë sensacion viral me pyetjen “Ku po hamë?” fatkeqësisht ka vdekur në moshën gjashtë vjeçare shkruan People.
Antwain Fowler, ndërroi jetë pas një beteje të gjatë me një sëmundje të quajtur enteropati autoimune, e cila ndodh kur sistemi imunitar i trupit sulmon veten.
Të dielën, faqja e tij zyrtare në Instagram ndau lajmin teksa nëna e tij, Kina, i bëri një nderim të përzemërt djalit të saj të vogël.
“Dhimbja në zemrën time nuk është si asnjë tjetër. Asnjëherë në një milion vjet, zemra ime nuk është në gjoks”, tha nëna e tij duke e përshkruar dhimbjen si të padurueshme.Postimi, i ndarë me 622 mijë ndjekësit e Antwain, që atëherë ka marrë mbi 200 mijë pëlqime.
Antwain, i njohur gjithashtu si TJ, u bë një personalitet në internet pasi nëna e tij postoi një video të tij duke e pyetur “Ku po hamë?”, e cila tani është shikuar mbi 24 milionë herë dhe është shpërndarë në të gjitha mediat sociale.
Ai është gjithashtu i njohur për pyetjen “A ke djathë që mund të ha?” nënës së tij në një tjetër video virale.
