[responsive-menu menu="logged-in-menu"]

Ganimete Jashari: Të ftohtit e kësaj bote…



ganimete jashari

Ganimete Jashari: TË FTOHTIT E KËSAJ BOTE

Të përgjojnë përshperitjet brenda
Piskamë nga kohë më parë
Ekot vijnë e shkojnë
Duke t’ humbur kohën në t’përjetshmin shkëlqim

Një skenë pa aktorë
Mal i bukur në dimrin delikat
Sytë e thatë këndshëm një melodi gjurmojnë
E ca zëra nga qielli bien me himnin e lirimit
Kurse demonët duan me vrull të ngulfatin shpirtin

Terri banon në butësinë e hënës
Në shpirtin e botës shtypen ëndërrat
Kujdestarët diku mundohen t’i zënë
T’ia falin dikujt që me butësi i trajtonë

Akuj si shpata e fildishtë
Pupla dhe iluzione
Lojëra të çuditshme duan me një puthje të pengohen
Por të ftohtit e vrapuar ngjitet
Si akull në venat e vetmuar
Shtizat shpojnë lekurën
Mundohesh të heqësh velon që t’mbulon sytë
E duart qe t’mbulojnë veshët
Por tharja e t’ftohtit të kësaj bote
Arriti t’e plasë zemrën në mes…