Policia e Kosovës sot ka bastisur një shtëpi në Prishtinë dhe gjatë bastisje është plagosur Bajram Babiqi.
Mjekja kujdestare në Klinikën Emergjente, Dafina Basholli, ka thënë se gjendja e pacientit është shumë e rëndë.
“Personi ka ardhur i plagosur pothuajse pa shenja jete. Pacienti është në gjendje shumë të rendë dhe momentalisht është në sallën e operacionit”, tha Basholli.
Rastin e ka konfirmuar edhe Policia e Kosovës përmes një komunikate për media, në të cilën thuhet se “me të arritur në lokacion-shtëpinë e banimit të personit të dyshuar policia ka hasur në personin e dyshuar, i cili papritmas ka drejtuar armën në drejtim të zyrtareve policor duke ua rrezikuar jetën e tyre. Falë shkathtësive dhe veprimeve të shpejta të zyrtarit policor i njëjti në vetëmbrojtje ka përdorur armën ndaj personit të dyshuar me qellim të neutralizimit të rrezikut për jetën e tij dhe kolegeve të tjerë”./Botapress,info/
