Një aksident i rëndë trafiku ka ndodhur mëngjesin e sotëm në rrugën Podujevë-Prishtinë, ku si pasojë të vdekur kanë mbetur një 36 vjeçar dhe një 35 vjeçare kurse dy fëmijë janë lënduar. Çifti është nga komuna e Malishevës përkatësisht nga fshati Jançisht, të njëjtit ishin nisur për pushime në Kosovë nga Sllovenia.
Kryetari i kësaj komune, Ekrem Kastrati ka thënë për Gazetën se njëri nga fëmijët që ka mbetur i lënduar është në gjendje të rëndë shëndetësore, derisa tjetri i lënduar lehtë.
“Dy qytetarë nga Komuna e Malishevës e kanë humbur jetën në një aksident trafiku. Njëri nga fëmijët është në gjendje të rëndë shëndetësore dhe tjetri është i lënduar lehtë. Komuna e Malishevës është e kapluar me pikëllim dhe dhimbje të madhe për humbjen e tyre. I shpreh ngushëllimet e mia familjes dhe gjithë qytetarëve”, ka thënë Kastrati.
Dy të vdekurit në Podujevë mërgimtarë nga Malisheva, edhe një fëmijë në gjendje të rëndë
Gazeta ka kontaktuar mjeku kujdestar i Klinikës Emergjente në QKUK, Naser Syla, i cili tha gjendja e fëmijëve është stabile por kanë lëndime të rënda.
Syla shtoi se deri tani anë kryer disa ekzaminime mjekësore të cilat kanë qenë të nevojshme.
“Që të dy janë duke u trajtuar në Qendrën Emergjente. Janë kryer disa ekzaminime mjekësore të cilat kanë qenë të nevojshme dhe për momentin gjendja e tyre është stabile, mirëpo kanë lëndime të rënda”, tha Syla./Botapress.info/
Aksident i rëndë në rrugën Prishtinë-Podujevë, dy të vdekur, ka dhe fëmijë të lënduar