Albert Krasniqi nga ‘Demokraci Plus’ ka thënë se presidentja e Kosovës, Vjosa Osmani e ka komplikuar situatën e çështjes së emërimit të anëtarëve të KQZ’së për interesat e partisë në pushtet, shkruan Gazeta Botapress.
“Gjykata Kushtetuese nuk ka pasur asnjë mundësi tjetër, përveçse të shpallë të papranueshme kërkesën e Presidentes Osmani-Sadriu lidhur me emërimin e anëtarëve të KQZ-së. E para, se Gjykata Kushtetuese nuk është institucion këshillëdhënës, dhe e dyta, se kjo ka qenë çështje për të cilën Gjykata ka vendosur më parë.”, ka shkruar Krasniqi.
Ai në fund, ka thënë se Presidentja Osmani po ia mohon të drejtën Kushtetuese Partisë Demokratike të Kosovës dhe Koalicionit VAKAT për emërimin e anëtarëve në KQZ.
Gjykata Kushtetuese nuk ka pasur asnjë mundësi tjetër, përveçse të shpallë të papranueshme kërkesën e Presidentes Osmani-Sadriu lidhur me emërimin e anëtarëve të KQZ-së. E para, se Gjykata Kushtetuese nuk është institucion këshillëdhënës, dhe e dyta, se kjo ka qenë çështje për të cilën Gjykata ka vendosur më parë.
Se kujt i takon e drejta e emërimit të anëtarëve në KQZ, është një çështje e thjeshtë të cilën Presidentja ka vendosur ta komplikojë për interesat e partisë në pushtet.
Me mos emërimin e të gjithë anëtarëve të KQZ-së, Presidentja është duke iu mohuar të drejtën kushtetuese PDK-së dhe Koalicionit VAKAT për emërim të anëtarëve në KQZ. /Botapress/
