Tashmë kur procesi i numërimit të votave për zgjedhjet e 25 Prillit në Shqipëri po shkon drejt përfundimit, lideri socialist dhe kryeministri i vendit Edi Rama ka pranuar urimet e para për mandatin e tretë qeverisës. Përpos presidentit turk Erdogan, kryeministrti grek Mitsotakis, Enver Hoxhajt të PDK-së, një urim liderit socialist i ka dërguar edhe Behgjet Pacolli, kryetar i AKR-së, përcjellë Botapress.
Ja urimi i Behgjet Pacollit për Edi Ramën:
Kryeministrin shqiptar Edi Rama e uroj për fitoren në zgjedhjet e 25 prillit. Shqiperia e kaloi testin e madh të organizimit të zgjedhjeve të cilat ishin të lira dhe demokratike. Kryeministrin dhe stafin e tij e presin shumë sfida nga ky besim i madh qytetar, të cilat jam i bindur se do ti kaloj duke e derguar vendin drejt zhvillimit dhe prosperitetit.
