Botapress, 28 Maj – Deklarata e Rrustem Mustafës – Remit se kryeministri aktual Albin Kurti ka qenë pjesë e strukturës ushtarake të UCK-së në Zonën Operative të Llapit ka zgjuar debate tash e sa ditë në opinion dhe në medie, shkruan Botapress.
Pyetja se a e ka veshur uniformën e UÇK-së kryeministri Albin Kurti gjatë kohës së luftës, i është shtruar edhe ish-komandantit të UÇK-së e FSK-së Fadil Hadërgjonajt në emisionin Info Magazine në Klan Kosova.
Ish-komandanti i Betejës së Koshares ka thënë se ai ka vepruar në Zonën Operative të Dukagjinit dhe se gjatë luftës ai nuk e ka parë asnjëherë Albin Kurtin në uniformë të UCK-së. “Krejt cka di unë për atë kohë është fakti se kryeministri i sotëm Kurti ka qenë pjesë e Drejtorisë Politike të bacës Adem, ndërkaq në Zonën Operative në Dukagjin nuk e kam takuar asnjëherë Albin Kurtin as në uniformë e as pa uniformë, po flas për Zonën Operative të Dukagjinit, ku kam vepruar unë gjatë luftës” ka thënë Hadërgjonaj në Info Magazine përcjellë Botapress.
