Një ngjarje tragjike ka ndodhur ku një helikopter mjekësor i cili po shkonte në Ohion jugore ku kishte ndodhur një aksident fatal me makinë, është rrëzuar teksa po përpiqej të zbriste.
Dy automjete ishin përplasur në orën 04:00 të mëngjesit, në Milford Toënship, tha në një deklaratë Zyra e Sherifit të qarkut Butler.
Një pasagjer në pjesën e pasme të një Silverado, një grua 69-vjeçare, u deklarua e vdekur dhe të paktën tre të tjerë të plagosur u nxorën nga automjeti, sipas departamentit të sherifit.
Drejtuesi i mjetit tjetër ka qenë i vetmi që nuk ka marrë lëndime, tha policia.
Kur helikopteri CareFlight mbërriti për të marrë një grua 43-vjeçare e cila u plagos rëndë, ai u rrëzua ndërsa po përpiqej të zbriste në vendngjarje.
Piloti dhe dy personat e tjerë të ekuipazhit në helikopter u transportuan në spital me lëndime jashtë rrezikut për jetën, tha zyra e sherifit.
Qarku po punon me Administratën Federale të Aviacionit për të hetuar rrëzimin e helikopterit.
