Botapress, 30 Shtator – Jo mediet por ishte kryetari i Lidhjes Demokratike të Kosovës, Lumir Abdixhiku i cili në një intervistë që kohë më parë i dha Klan Kosovës, paralamëroi rrezikun e përplasjes së Qeverisë së Kosovës me Ambasadën amerikan për punë të gazit.
Abdixhiku tha se “Ka një përplasje në heshtje që do të shpërthejë shumë shpejt për çështjen e gazit, unë jam njoftuar drejtpërdrejtë, do të bëhet publike shumë shpejt, nuk ka përgjigje në kërkesën e SHBA-së për prurjen e gazit në Kosovë, që është një politikë strategjike amerikanë për rajon, jo vetëm për Kosovë por për rajon dhe Qeveria e Kosovës i mbanë në stand by”, deklaroi Abidxhiku për Klan Kosova, përcjellë Botapress.
Sipas udhëheqësit të LDK-së, partia në pushtet nuk ka plan për ecjen strategjike me SHBA-të.“Ne nuk jemi duke e përfshirë asetin tonë më të madh, kjo është administrata më pro kosovare që kanë pasur SHBA-të ndonjëherë. Ka mungesë serioze të dëshirës për të pasur SHBA-në të përfshirë këtu, jo në përmasën e bastardizimit që u kemi bërë amerikanët tash e një kohë në Kosovë, që çdo zyrtar amerikan ta lartësojmë e ta bëjmë hyjnor, por po flas për presidentin e SHBA-së me relacione familjare individuale me një njeri që është marrë me çështjen e Kosovës tash e 30 vite e me siguri me administratën e fundit që ka memorie të gjallë për çështjen e Kosovës, besoj se këtë duhet shfrytëzuar”.
Dhe ja pas disa javësh kjo përplasje ndodhi. Qeveria e Kosovës me kryeministër Albin Kurtin përfundimisht refuzoi ofertën amerikane të gazit. Lajmin e ka bërë të ditur vetë Ministrja Rizvanolli e cila tha se Qeveria e Kosovës nuk do të vazhdojë tutje me projektin për kyçjen e Kosovës në gazsjellësin ekzistues në Maqedoninë e Veriut, projekt ky i përkrahur nga MCC-ja amerikane.
Rizvalloni ka thënë se kanë nevojë për më shumë informacione rreth projektit të gazsjellësit për të ditur nëse është projekt adekuat për tranzicionin energjetik të Kosovës.
Se deri ku do ta qojë Kosovën kjo përplasje me Amerikën, do të shohim në ditën në vijim. Por se kjo përplasje do të ketë zhvillime interesante në vendin tonë, kjo pa dyshim që është e pritshme dhe e mundshme, shkruan Botapress.
