Ngacmimet, sulmet dhe dhuna seksuale ndaj vajzave dhe grave në Kosovë është shndërruar në fenomen shqetësues, pasi që pothuajse çdo ditë raportohen raste të tilla. Të dyshuarit shpesh herë janë persona të afërt me të cilët njihen.
Aplikimi i “bllokuar” për anëtarësim në KiE, Presidentja lajmërohet nga Rejkjaviki
Një rast i tillë ka ndodhur së fundi në Prizren, ku gjatë mbrëmjes së kaluar një burrë bashkë me vajzën e tij të mitur ka denoncuar në Polici një person, për të cilin thotë se ia ka ngacmuar seksualisht të bijën.
Burimet e Gazetës Sinjali kanë bërë me dije se në kuadër të veprimeve hetimore, në praninë e prindit të saj dhe zyrtarit të Qendrës për Punë Sociale është intervistuar viktima, e cila ka deklaruar se me të dyshuarin është njohur përmes rrjeteve sociale dhe dje kanë dalë bashkë në takim.
Bazuar në dëshminë e saj, bashkë me të dyshuarin kanë qëndruar në veturën e këtij të fundit, ku kanë shkëmbyer puthje, gjë e cila vërehej edhe nga lëndimet që kishte pësuar e mitura si pasojë e kafshimit në buzë. Sipas 14-vjeçares, e gjithë kjo ka ndodhur me pëlqimin e të dyja palëve dhe ajo nuk ishte përballur me presion nga askush.
Si rezultat i denoncimit, është arrestuar i dyshuari, i cili po ashtu është i moshës së mitur. Ai para hetuesve policorë ka pranuar se ka kryer veprën për të cilën dyshohet.
Me urdhër të prokurorit, 17-vjeçari do të hetohet në liri për veprën penale ‘Ngacmim seksual’.