Me disfatën e sotme të Loriana Kukës në “Tokio 2020”, është mbyllur aventura e xhudistëve të Kosovës. Ekipi i xhudos së Kosovës shënoi sukses të jashtëzakonshëm në këtë olimpiadë.
Në krye me trajnerin Driton Kuka, Distria Krasniqi dhe Nora Gjakova i sollën dy medalje të arta Kosovës. Fjalë të mëdha për xhudistet e Kosovës ka dhënë edhe presidenti i Federatës së Xhudos Evropiane, Sergey Soloveychik.
Soloveychik që është nga Rusia, ka falënderuar Federatën e Xhudos së Kosovës për kampionet e reja olimpike.
“Është nder dhe kënaqësi që përmes kësaj letre t’iu falenderoj ju Federatën e Xhudos së Kosovës, si dhe të gjithë popullin e Kosovës për kampionet e reja olimpike, Nora Gjakova dhe Distria Krasniqi”, tha ai./Botapress/
