Disa pjesë të kryeqytetit do të mbesin pa ujë të dielën

Kompania Rajonale e Ujësjellësit “Prishtina” ka njoftuar se këtë të diel, më 24 prill, kanë planifikuar realizimin e disa punimeve teknike në rrjet, në gypin me diametër 600 mm, në disa zona në kryeqytet.
Në një komunikatë për media bëhet e ditur se si rrjedhojë, pa furnizim me ujë të pijshëm, të dielën nga ora 10:00 – 17:00 do të mbesin lagjja Kodra e Trimave në tërësi, lagjja Medrese, lagjja Çamëria, lagjja Kolovica e Vjetër, fshati Llukar, fshati Makovc, fshati Sinidoll dhe pjesa e lartë e lagjes Arbëria (lagjja e re mbi komunën e Prishtinës).