Kush nuk do të donte të kishte më shumë para dhe kushte më të sigurta financiare? Shumë nga ne mund të bëjnë gabime kur bëhet fjalë për të arritur mirëqenien financiare duke shkaktuar efekt të kundërt.
Duhet mençuri e urtësi për të përshkruar rrugën e duhur në drejtim të të mirave materiale dhe “feng shui” mund të ndihmojë për këtë.
Kjo teknikë kineze e cila na ndihmon të përmirësojmë energjinë dhe cilësinë tonë të jetës, ka disa këshilla të rëndësishme për të na ofruar rreth objekteve që duhet të mbajmë në shtëpinë tonë. A
Ato funksionojnë si një lloj magneti për mbarësinë financiare dhe të shtëpisë suaj.
Hajmali me hieroglifin ‘fu’
Sinjifikon mirëqenien financiare dhe paratë. Nëse nuk i gjeni si hajmali, printojini si foto dhe varini në mur. Ato na bekojnë me kapacitetin e të pasurit më shumë sukses në investimet tona.
Koka e krevatit gjithmonë në mur
Mund të duket diçka e parëndësishme, por sipas feng shui, koka e krevatit nuk duhet të qëndrojë pranë dritares apo banjës, pasi largohen energjitë pozitive. Duhet të rrijë e mbështetur në mur.
Elefantë
Elefantët konsiderohen kafshë të mençura, besnike e jetëgjata, arsyeja pse janë edhe simbol fati. Mbajtja e një statuje elefanti në shtëpi e bën jetën financiare tuajën më të pasur. Siugrohuni ta vendosni diku në qendër të shtëpisë.
Bretkosa me monedhë në gojë
Ky është një objekt i zakonshëm që gjendet në dyqanet e dhuratave, sidomos në vendet aziatike. Kjo bretkosë e cila ulet mbi një perlë, me një monedhë në gojë, është e shkëlqyer për të tërhequr para dhe e bën shtëpinë tuaj një burim mirëqenieje dhe bollëku.
Lule të freskëta
Për feng shui-n, përdorimi i luleve të freskëta përveçse e bën më të bukur dhe çlodhës ambientin, sjell më shumë freski në shtëpi. Kur lulet janë të freskëta sjellin lumturi dhe mbarësi, por duhet të keni kujdes të mos përmbajnë gjemba.
Temjan
Shumë njerëz e përdorin temjanin për të aromatizuar shtëpitë e tyre, por edhe për të larguar energjitë negative dhe për të ndihmuar në krijimin e një realiteti më të lumtur dhe me bollëk. Për feng shui, temjani është një aleat i fuqishëm për jetën financiare që dëshirojmë.
Pasqyra
Sipas feng shui, pasqyra tërheq energjitë pozitive, por duhet pasur kujdes për zgjedhjen e vendit ku do të qëndrojë në shtëpi. Është e rëndësishme që të reflektojë një pamje të bukur, mundëissht jashtë shtëpisë, si kopshti apo lulet për të mbushur ambientin me energji pozitive. Këto janë disa elemente që tërheqin bollëkun në jetën dhe shtëpinë tuaj. /Botapress.info/
