“Disa nga ata janë porositës të vrasjeve politike”, Gërvallës i vjen mbështetja e fortë nga Gjermania,

Shoqatat shqiptare në Gjermani, përmes një komunikate për media kanë dalur në mbëshetetje të Ministres së Jashtme dhe Zëvendëskryeministres, Donika Gërvalla.

“Sulmet e orkesturuara të filluara në tempullin e demokracisë në Kuvend, gjuha e përdorur pa etikë, fyerjet, arroganca dhe sulmet verbale deri në sulm fizik ndaj ministres së Punëve të Jashme dhe Diaspores znj. Donika Jusuf Gërvalla tregojnë sjelljen e një klase tanimë të tejkaluar politike, të dëshpëruar duken në panik, e cila humbi komoditetin e pushtetit dhe përfitimet nga abuzimi i skajshëm i pushtetit”, thuhet ndër tjerash në reagimin e tyre, përcjellë Botapress.info

Reagimi i plotë:

Reagim nga disa shoqata shqiptare në Gjermani

Shoqatat Kulturore „Sali Çekaj“- Pfaffenhofen,

Qendra kulturore” Hailbron

„Abeja“-Freising

„ Shqiponjat e Bajernit“-Egenfelden.

FC „ Kosova“ München “Yjet e Kosovë” e.V. Emmendingen dhe „ Dardania“ nga Manheimi dhe Ëiesbaden, „Kadri Zeka“ nga Nürtinge-i.

Rrjeti shqiptaro-gjerman për angazhim politik (DANPE).

Shoqata“ Gjergj Kastrioti -SKENDERBEU“ Minchem, “Universiteti i Diasporës Shqiptare “, Ëaiblingen. Shoqata “Dardania e.V.” Ravensburg, Shkuruaje edhe Fondacioni„Besa“ München.

Të nderuar bashkatëdhetarë dhe ju qytetarë të Republikës së Kosovës,

Sulmet e orkesturuara të filluara në tempullin e demokracisë në Kuvend, gjuha e përdorur pa etikë, fyerjet, arroganca dhe sulmet verbale deri në sulm fizik ndaj ministres së Punëve të Jashme dhe Diaspores znj. Donika Jusuf Gërvalla tregojnë sjelljen e një klase tanimë të tejkaluar politike, të dëshpëruar duken në panik, e cila humbi komoditetin e pushtetit dhe përfitimet nga abuzimi i skajshëm i pushtetit.

Çdo kërkesë nga cilado parti apo cilido lider politik për zbardhjen e vrasjeve politike të ndodhura gjatë dhe pas luftës në Kosovë është veprim human dhe obligim i shtetit ligjor ndaj viktimave dhe familjeve të tyre. Arsyetimi se kinse po sulmohet dhe gjykohet UÇK-ja është një manovër,alibi dhe shpifje e dukshme.

Mjafton të i shikoni deklaratat e pasurisë së disa protagonistëve dhe ish-drejtuesve të UÇK-së, të cilët e kompromituan luften dhe paqen me veprimet dhe sjelljet e tyre të abuzimit me pushtetin dhe e kuptoni se sa i shërbyen vendit dhe ndërtimit të shtetit ligjor.

Moszbardhja e vrasjeve politike nxiti dhe presionin të mbrenshem dhe nga SHBA-ja,BE-ja. Sot ish-liderët e UÇK-së po mbahen në burg të Hagës sepse Kosova dhe udhëheqësit e saj politik për 20-vite nuk arritën apo nuk deshën të vendosin drejtësi për viktimat e vrasjeve politike. Disa nga ata udheheqës sot dyshohen si nxitës apo porositës të atyre vrasjeve për arritjen e ambicieve individuale politike e karrieriste dhe pasurim enorm.Asnjë parti apo person nuk ka të drejtë ta privatizojë UÇK-në sepse ajo është vlerë kombëtare.

Shumë njerëz kanë dhënë kontributin e vet për lirinë e Kosovës. Fshehja prapa UÇK-së nuk i ndihmon, por e dëmton imazhin dhe rolin çlirimtar të UÇK-së dhe Shtetit të Kosovës në proceset integruese në BE dhe NATO.Rrugët e integrimit do të hapen kur në këtë shtet do të funksionojë shteti ligjor, kur bandat kriminale dhe kapësit e shtetit do të dalin para drejtësisë. Nga deputetët kërkohet të tregojnë kulturë, edukatë dhe tolerancë sepse janë pasqyra dhe imazhi i popullit. Vendi ndodhet në një krizë të thellë pandemike dhe ekonomike.

Tani në rend të parë kërkohet unitet, konsensus, përgjegjësi dhe vetëdije shtetërore dhe kombëtare për tejkalimin e pandemisë, për zhvillim ekonomik dhe fuqizim të drejtësisë, për konsolidimin e demokracisë dhe mbrojtjen e interesave shtetërore e kombëtare në marrëdhëniet ndërkombëtare./Botapress/

Tags: Donika Gervalla

“Disa nga ata janë porositës të vrasjeve politike”, Gërvallës i vjen mbështetja e fortë nga Gjermania,

Të ngjashme

Në Treviso të Italisë u promovua libri i vrasjes së 1432 fëmijëve shqiptarë nga Serbia fashiste!

Kjo është shuma e parave që diaspora dërgoi në Kosovë vitin e kaluar

Në New York protestohet më 1 prill për drejtësi ndaj UÇK-së dhe vëllezërve Bytyqi

“Atdhetari i shtigjeve të lirisë” – monografi për heroin e kombit Xhavit Hazirin!

Lajmet e fundit